БІЗБЕН БАЙЛАНЫС

+7 727 249 98 69

+7 727 249 71 41

НЫСАНБАЕВ Әбдімәлік (1.5.1937) – Қызылорда облысы Сырдария ауданы Қарауылтөбе ауылында туған. Ғалым, философия ғылымдарының докторы (1977), профессор (1980). ҚР ҰҒА академигі (2003), Қазақстанның еңбек сіңірген ғылым мен техника қайраткері (1994), Қырғыз Республикасының еңбек сіңірген ғылым қайраткері (1995). Қазіргі Қорқыт Ата атындағы Қызылорда мемлекеттік университетін бітірген (1960). 1960 – 61 жылы КСРО ғылым академиясының Химия ғылымдары институтында аға лаборант, 1961 – 76 жылы Қазақстан ғылым академиясының Философия және құқық институтында кіші ғылыми қызметкер, аға ғылыми қызметкер, ғылым философиясы және методологиясы бөлімінің меңгерушісі. 1990 жылдан Философия және құқық институтының (қазіргі Философия және саясаттану институты) директоры. Сонымен қатар 1997 – 2003 жылы “Қазақ энциклопедиясы” баспасының Бас редакторы қызметін қоса атқарды. Нысанбаевтың негізгі зерттеу еңбектері диалектика және таным теориясы, ғылым философиясы мен методологиясы, қазақ және түркі философиясы, әлеум. және саяси философия, саясаттану және мәдениеттану мәселелеріне арналды. Ол ғылыми мектеп қалыптастырып,

көптеген ғылым докторлары мен кандидаттарын дайындады. Нысанбаев 570-тен астам ғылыми, ғылыми-сараптамалық, ғылыми-әдістемелік еңбектер, соның ішінде 30 монография, жеке кітаптар мен оқу құралдарын жазған. Бірқатар еңбектері 25 шет тілдерінде жарық көрген. Ғылымдағы еңбегі үшін Қазақстанның (1984) және Түркияның (1999) Мемл. сыйлықтарын, ҚР Президентінің Бейбітшілік пен рухани татулық сыйлығын алған (1998), “Отан”, “Парасат” (1998, 2004) ордендері мен бірнеше медальдармен марапатталған. 2005 жылы “Философ Нысанбаев” атты деректі фильм жарық көрді.

Шығармалары:

Диалектика и современная математика, А-А., 1982, Адам және ашық қоғам, А., 1998; Қазақстан. Демократия. Рухани жаңару, А., 1999, Становление исламской философии в Казахстане, А., 2000, Жаһандану және Қазақстанның орнықты дамуы, А., 2002, Қазақ философиясы. Тегеран, 2002, Kazakh turklerіnіn felsefesі. Анк., 2002, Kazakhstan: Cultural Іnherіtance and Socіal Transformatіon. Вашингтон, 2004, Казахстан и Ресей в ХХІ веке: опыт модернизационных реформ, Новосиб., 2004.

сайт aisit.kz компанияда әзірленді және қорғалған

ҚР, Алматы қ. 

8 мкр. 19 үй 

e-mail: kazenc@mail.ru 

Сіздің мәліметтерін енгізіңіз және біз кері сізге қоңырау шаламыз